tg-me.com/abdullaalfregy/1131
Last Update:
كل ساعة التفت
يا خويه بالدرب
هلبت ترد الي
واتريح الكلب
.
يالمامش مثلك بالدنيه اخو
ياهو يسد عازة جفينك منو
وي عدوان امشي وتدري يا كمر
متشوف الراحه اليحديها عدو
.
راح ذيج ايام السعادة
الجانت بيهن مرتاحة زينب
تدريه خويه درب الشماته
اليكطعه ابلا خوانه يتعب
.................................
مشيت وناكتي
مو ناكة هلي
ولا جف الحده
بيه ريحة علي
.
وين الخويه امشي من الطالبي
اوين اليالله امشي من حادي اجنبي
وين التمشي مهيوبه بفي اخو
وين الذبحو خوتها وتنسبي
.
الما متعوده امن الخيمه تطلع
طلعت بالبر وي الاجانب
الجانت تغفى بحضن الزجيه
نامت مجبورة اعلى الترايب
................................
التهضم بالكلب
علمهم من يرف
بيه غربه العلم
مو رفة عرف
.
مو رفة بيرغنه الجاباني امس
ذاك يغطيني جان امن الشمس
وهذا يدلي عيون الشمات الي
كل ما رف يا خويه بالموت احس
.
يا خويه بقانون المعارك
تدري الجيش الطاحتله رايه
اعياله ترد لديرة اهلهن
بس احنه ودونه سبايه
........................
وصلنه للهضم
وكسران الضهر
بالكوفه الكلب
جم مره انكسر
.
هاي الديرة البيها اعيوني ربن
شكد دللني بيها جف الحسن
رديتها الها واجفوفي اجتفن
واليكرهنه گام اتلكة الضعن.
.
الهضمتني والكسرتلي خاطر
اسم اختك جان الهاشميه
بس من شافو مجتوفه اديه
صاحولي خويه الخارجيه
………………………
الما بيهم رحم
سارو بالضعن
وبالشام الهزل
بينه نوخن
.
انه الما واحد شايف محملي
ومن يحجون وياي بهيده هلي
اباب الساعات انهد حيل الگلب
من شفت الشمات تباوع الي
.
اتمنيتك حاضر يا ابو فاضل
من طبيه لديرة عدونه
اتلكانه الما عنده حمية
اليكرهنه واليكره ابونه
BY الشاعر عبدالله الفريجي
Warning: Undefined variable $i in /var/www/tg-me/post.php on line 280
Share with your friend now:
tg-me.com/abdullaalfregy/1131